42 ప్ర‌భుత్వ‌, ప్ర‌యివేటు బ్యాంకుల్లో దాదాపు 1000 శాఖ‌ల్లో ఇక‌పై ఆధార్ న‌మోదుకు అవ‌కాశం క‌ల్పించారు. ఇంకా వీలైనంత త్వ‌ర‌గా బ్యాంకు శాఖ‌ల్లో ఇలాంటి న‌మోదు కేంద్రాల‌ను దాదాపుగా 15 వేల వ‌ర‌కూ ఏర్పాటు చేయ‌నున్న‌ట్లు ఆధార్ నియంత్ర‌ణ సంస్థ (యూఐడీఏఐ)తెలిపింది.
ఇప్పుడు నిర్ణీత తేదీలోగా బ్యాంకు ఖాతాల‌ను ఆధార్ సంఖ్య‌తో అనుసంధానించాల్సి ఉంది. బ్యాంకు ఖాతాల‌తో ఆధార్ వెరిఫికేష‌న్ ప్ర‌క్రియ‌ను సులభ‌త‌రం చేసేందుకు బ్యాంకుల్లోనే ఆధార్ కేంద్రాల‌ను ఏర్పాటు చేస్తున్నాం. అంతే కాకుండా ప్ర‌జ‌లు మ‌నీ లాండ‌రింగ్ చ‌ట్టాల‌ను ఉల్లంఘించ‌కుండా బ్యాంకు ఖాతాదారుల వివ‌రాల‌ను సులువుగా అనుసంధానించే ప్ర‌క్రియ ఇక‌పై ప్ర‌భుత్వానికి వీల‌వుతుంది. డిసెంబ‌రు 31 లోగా బ్యాంకు ఖాతా, ఆధార్‌ల‌ను అనుసంధానించాల్సిందిగా ఖాతాదారులు సందేశాల‌ను అందుకుంటున్న సంగ‌తి తెలిసిందే.