క‌నీస వేత‌నాన్ని రూ.21 వేల‌కు పెంచేందుకు కేంద్రం సిద్దం!
50 ల‌క్ష‌ల కేంద్ర ప్ర‌భుత్వ ఉద్యోగుల‌కు సంబంధించిన ఏడో వేత‌న స‌వ‌ర‌ణ సంఘం సూచించిన క‌నీస వేత‌నంపై నిర్ణ‌యాన్ని కేంద్రం జ‌న‌వ‌రి నెల‌కు వాయిదా వేసింది. క‌నీస వేత‌న ప‌రిమితిని కేంద్రం పెంచేందుకు సిద్దంగా ఉన్న‌ట్లు తెలుస్తోంది. జ‌న‌వ‌రి 2018 నుంచే అది అమ‌ల్లోకి వ‌చ్చేలా నిర్ణ‌యం ఉండ‌నున్న‌ట్లు సంబంధిత వ‌ర్గాలు తెలిపాయి.

ఈ నిర్ణ‌యానికి సంబంధించి ప‌నిచేస్తున్న ఆర్థిక శాఖ అధికారులు చెప్పిన దాని ప్ర‌కారం ప్ర‌భుత్వం జ‌న‌వ‌రిలో దీనిపై ముందుకెళ్ల‌నుంది. కేంద్ర ప్ర‌భుత్వంలోని ప‌లు ఉద్యోగ సంఘాలు డిమాండ్ చేసిన కొన్ని అంశాల ప‌ట్ల ప్ర‌భుత్వం సానుకూలంగా ఉన్న‌ట్లు తెలుస్తోంది. ఉద్యోగ సంఘాలు క‌నీస వేత‌నాన్ని రూ.18 వేల నుంచి రూ.25 వేల‌కు పెంచాల‌ని డిమాండ్ చేస్తున్నాయి. అయితే కేంద్రం మాత్రం క‌నీస వేత‌నాన్ని రూ.21 పంఎచాల‌ని యోచిస్తున్న‌ట్లు స‌మాచారం. ఒక‌వేళ కేంద్రం రూ.21 వేల‌కు ఓకే చెబితే బేసిక్ పేకు సంబంధించిన ఫిట్‌మెంట్ ఫ్యాక్ట‌ర్ 2.57% నుంచి 3 శాతానికి పెరుగుతుంది.