ఎన్ఎస్ఈ సూచీ నిఫ్టీ సోమ‌వారం ఆల్‌టైం గ‌రిష్టాన్ని తాకింది. బ్యాంకులు, నిఫ్టీలోని కొన్ని పెద్ద సంస్థ‌లు, ఆటోమొబైల్ సంస్థ‌లు లాభాలు గ‌డించ‌డంతో పాటు ఆసియా మార్కెట్లు రాణించ‌డంతో దేశీయ మార్కెట్లు సానుకూలంగా సాగాయి. మార్కెట్లు ముగిసే స‌మ‌యానికి బీఎస్ఈ సెన్సెక్స్ 151.15(0.47%) లాభ‌ప‌డి 32,423.76 వ‌ద్ద ముగియ‌గా, మ‌రో సూచీ నిఫ్టీ 67.70 పాయింట్లు పుంజుకొని 10,153.10 వ‌ద్ద స్థిర‌ప‌డింది.

చ‌మురు,స‌హ‌జ వాయు రంగం త‌ప్ప బీఎస్ఈలో అన్ని రంగాలు లాభాల్లో కొన‌న‌సాగాయి. మొత్తం రంగాల్లో క్యాపిట‌ల్ గూడ్స్‌(1.55%), క‌న్సూమ‌ర్ డ్యూర‌బుల్స్‌(1.48%), ఆటో(1.29%), స్థిరాస్తి(0.8%) లాభ‌ప‌డ‌గా, చ‌మురు, స‌హ‌జ వాయు రంగం(0.11%) మాత్రం న‌ష్ట‌పోయింది
సెన్సెక్స్ సూచీలో లాభ‌ప‌డిన వాటిలో బ‌జాజ్ ఆటో(3.27%), హెచ్‌యూఎల్(2.73%), ఎల్ అండ్ టీ(2.14%), కోల్ ఇండియా(1.75%), సిప్లా(1.69%) ముందుండ‌గా, మ‌రో వైపు న‌ష్ట‌పోయిన వాటిలో ఓఎన్‌జీసీ(1.11%), ఐటీసీ(0.78%), టాటా స్టీల్(0.67%), స్టేట్ బ్యాంక్ ఆఫ్ ఇండియా(0.57%), స‌న్ ఫార్మా(0.38%) ఉన్నాయి.