* క్రెడిట్ ఏజెన్సీ ఈక్విఫ్యాక్స్ నుంచి వివ‌రాలు చోరీ
అమెరికాలో దాదాపు సగం జ‌నాభా, ఇంకా బ్రిట‌న్‌, కెన‌డా దేశాల్లోని కొంత మంది ఆర్థిక వివ‌రాలు ప్ర‌మాదంలో ప‌డ్డ‌ట్లు తెలుస్తోంది. అమెరికా క్రెడిట్ రిపోర్టింగ్ ఏజెన్సీ సంస్థ ఈక్విఫాక్స్ తెలిపిన ప్ర‌కారం ఆ సంస్థ వెబ్‌సైట్లో ఉన్న వ్య‌క్తిగ‌త ఆర్థిక విష‌యాలతో స‌హా కొంత స‌మాచారం హ్యాక‌ర్ల చేతిలో ప‌డ్డ‌ట్లు వెల్ల‌డించింది. జులై 29న జ‌రిగిన హ్యాకింగ్ మూలంగా అమెరికా దేశంలో చాలా మంది వినియోగ‌దారులు, బ్రిట‌న్‌, కెన‌డా పౌరుల్లో కొంత మంది స‌మాచారం ప్ర‌భావితం అయింద‌ని ఈక్విఫాక్స్ గురువారం ప్ర‌క‌టించింది.