రుణాల‌పై విధించే వ‌డ్డీ రేట్ల‌ను త‌గ్గించే విధంగా సెప్టెంబ‌రులో పీఎన్‌బీ త‌గ్గించింది. 0.25% మేర సెప్టెంబ‌రు 1 నుంచి వ‌డ్డీ రేట్లు త‌గ్గుతాయి. బేస్ రేట్ల‌ను పీఎన్‌బీ 0.20% మేర త‌గ్గించి 9.15%గా నిర్ణ‌యించింది. స్టాక్ ఎక్స్చేంజీకి తెలిపిన ఫైలింగ్‌లో పీఎన్‌బీ తెలిపిన వివ‌రాల ప్ర‌కారం సెప్టెంబ‌రు 1 నుంచి మార్జిన‌ల్ లెండింగ్‌(ఎంసీఎల్ఆర్‌) రేట్ల‌ను 20-25 బేసిస్ పాయింట్లు త‌గ్గించింది. ఓవ‌ర్‌నైట్ రుణాల‌కు సంబంధించిన వ‌డ్డీ రేట్ల‌పై 0.25% మేర ఎంసీఎల్ రేట్లు త‌గ్గాయి.

ఒక నెల‌, మూడు నెల‌లు, ఆరు నెల‌లు మెచ్యూర్ అయ్యే రుణాల‌కు సంబంధించి వ‌డ్డీ రేట్లు 0.20% త‌క్కువ చేసి 7.90%, 8%, 8.01% గా ఉంటాయి. అంతే కాకుండా ఏడాది, మూడేళ్లు, ఐదు సంవ‌త్స‌రాల మెచ్యూరిటీ ఉండే రుణాల‌పై వ‌డ్డీ రేట్లు 0.20% త‌క్కువ‌గా 8.15%, 8.30%, 8.45% వరుస‌గా ఉండ‌నున్నాయి. ఆర్‌బీఐ ఆదేశాల మేర‌కు 2016 ఏప్రిల్ నెల నుంచి బ్యాంకులు వ‌డ్డీ రేట్ల నిర్ణ‌యానికి ఎంసీఎల్ఆర్ విధానాన్ని పాటిస్తున్నాయి. బ్యాంకులు పార‌ద‌ర్శ‌కంగా వ‌డ్డీ రేట్ల‌ను అమ‌లు చేసేందుకు కేంద్ర బ్యాంకు ఈ విధానం ప్ర‌వేశ‌పెట్టింది.