జీఎస్టీ ప‌న్ను వ్య‌వ‌స్థ మొదలైన త‌ర్వాత 36 ల‌క్ష‌ల మంది వ్యాపారులు ఇప్ప‌టి వ‌ర‌కూ ప‌న్ను రిట‌ర్నుల‌ను స‌మ‌ర్పించార‌ని ఒక ప‌న్ను అధికారి వెల్ల‌డించారు. ఇంకా కొన్ని ఫైలింగ్స్‌కు గ‌డువున్నందువ‌ల్ల మొత్తం సంఖ్య‌ను ఇప్పుడే వెల్ల‌డించ‌లేమ‌ని ఆయ‌న అన్నారు. నిజానికి చెల్లింపుల గ‌డువు 25తో ముగిసిన‌ప్ప‌టికీ జీఎస్టీ ఫైలింగ్ గ‌డువు ఆగ‌స్టు 28 వ‌ర‌కూ ఉంది. జీఎస్టీ త‌ర్వాత ప‌న్నుల నుంచి దాదాపు రూ.65వేల కోట్ల వ‌సూళ్లు జ‌ర‌గొచ్చ‌ని రెవెన్యూ శాఖ అంచ‌నా వేస్తోంది.

ట్రాన్సిష‌న‌ల్ క్రెడిట్ సౌక‌ర్యం ఉప‌యోగించుకున్న వ్యాపారులు ఆగ‌స్టు 28 వ‌ర‌కూ ఫైల్ చేసేందుకు అవ‌కాశ‌మిచ్చారు. అయితే 25 వ తేదీ లోపు స్వ‌యం ధ్రువీక‌ర‌ణ‌ల‌ను స‌మ‌ర్పించిన వారికి మాత్ర‌మే ఆ అవ‌కాశం ఉంటుంది. జీఎస్టీ అమ‌లు ప్రారంభం నుంచి వ్యాపార‌స్థులు ప‌న్ను చెల్లింపుల‌ను ఆన్‌లైన్ లో చేప‌ట్ట‌డంతో పాటు రిట‌ర్నుల‌ను ఆన్‌లైన్‌లో చేయాల్సి ఉంటుంది. ఇందులో నెల‌వారీ అమ్మ‌కాల వివ‌రాలు ఉండాలి. ఇది కచ్చితంగా చేయాలి కాబ‌ట్టి కంపెనీల‌కు ప్ర‌భుత్వం అధిక స‌మ‌యం ఇచ్చింది.