మ‌ధ్య ర‌కం, పెద్ద కార్లు, ఎస్‌యూవీ కార్ల‌పై ఉండే సుంకాన్ని 15% నుంచి 25% వ‌ర‌కూ పెంచొచ్చ‌ని దీనిపై క్యాబినెట్ ఆర్డినెన్స్ తెచ్చే అవ‌కాశం ఉన్న‌ట్లు తెలుస్తోంది. జులై 1 నుంచి అమ‌ల్లోకి వ‌చ్చిన జీఎస్టీ ద్వారా పైన తెలిపిన వాహ‌నాల‌పై సుంకాన్ని పెంచేందుకు జీఎస్టీ కౌన్సిల్ ఆమోదం తెలిపింది. జీఎస్టీ కౌన్సిల్ అనేది జీఎస్టీ రేట్ల విష‌యంలో నిర్ణ‌యాలు తీసుకునే ఒక నిర్ణాయ‌క వ్య‌వ‌స్థ‌. అయితే జీస్టీ ద్వారా సెస్సు రేట్ల‌ను మార్చేందుకు జీఎస్టీ చ‌ట్టం,2017లోని సెక్ష‌న్‌8లో మార్పు(స‌వ‌ర‌ణ‌) చేయాల్సి ఉంది. దీనికి సంబంధించి ఆర్డినెన్స్ జారీ చేసేందుకు క్యాబినెట్ సిద్ద‌మ‌వుతున్న‌ట్లు ఒక అధికారి చెప్పారు.