For Quick Alerts
For Daily Alerts
రుణాలపై ప్రాసెసింగ్ రుసుములను తొలగించిన ఎస్బీఐ
కన్స్యూమర్ డ్యూరబుల్స్, ద్విచక్ర వాహనాలు, కార్లు కొనేందుకు తీసుకునే రుణాలపై ఉండే ప్రాసెసింగ్ రుసుములను పూర్తిగా తొలగించింది.
|
పండుగలు సమీపిస్తున్న తరుణంలో ఎస్బీఐ రుణ గ్రహీతలకు తీపి కబురు చెప్పింది. వినియోగదారు వస్తువులు(కన్సూమర్ డ్యూరబుల్స్), ద్విచక్ర వాహనాలు, కార్లు కొనేందుకు తీసుకునే రుణాలపై ఉండే ప్రాసెసింగ్ రుసుములను పూర్తిగా తొలగించింది. రుణాల్లోని రకాల్లో కార్ల రుణాలు, వ్యక్తిగత రుణాలు, వ్యక్తిగత బంగారు రుణం వంటి వాటితో పాటు, ఎస్బీఐకి ఇతర బ్యాంకుల నుంచి మార్చే గృహ రుణాలపై కూడా ఈ మార్పు వర్తిస్తుందని స్టేట్ బ్యాంక్ తెలిపింది.
యాక్సిస్ బ్యాంకు శుభ్ ఆరంభ్ పేరుతో గృహ రుణం తీసుకునే వారికి ఈఎంఐల మాఫీ పేరిట ఆఫర్ ఇవ్వడంతో స్టేట్ బ్యాంక్ సైతం వినియోగదారులను ఆకట్టుకునేందుకు ఆఫర్నిచ్చింది.
డిసెంబరు 31,2017 లోపు తీసుకునే కార్ల రుణాలపై పూర్తిగా ప్రాసెసింగ్ రుసుములను రద్దు చేస్తున్నట్లు ఎస్బీఐ ప్రకటించింది.
అదే విధంగా అక్టోబర్ 31 లోపు తీసుకునే వ్యక్తిగత బంగారు రుణాలపై ప్రాసెసింగ్ ఫీజును 50 శాతం వరకూ రద్దు చేశారు. ఎక్స్ప్రెస్ క్రెడిట్ కింద తీసుకునే తక్షణ రుణాల విషయంలో సెప్టెంబరు 30 లోపు తీసుకునే వాటికి ప్రాసెసింగ్ రుసుమును 50 శాతం వరకూ తగ్గింపు ఆఫర్ను ఎస్బీఐ అందుబాటులో ఉంచింది.
Comments
English summary