ఇండియ‌న్ బ్యాంక్స్ అసోషియేష‌న్(ఐబీఏ), బ్యాంకు ఉద్యోగుల సంఘాల‌కు మ‌ధ్య కొన‌సాగుతున్న చ‌ర్చ‌లు స‌ఫ‌లం కాలేదు. దీంతో స‌మ్మె అనివార్య‌మ‌వుతోంది. ప్రైవేటీకరణకు నిరసనగా, ప్రభుత్వ రంగ బ్యాంకుల విలీనాన్ని వ్యతిరేకిస్తూ దాదాపు 10 లక్షలమంది బ్యాంకు ఉద్యోగులు ఈ నెల 22 న దేశ వ్యాప్త సమ్మె చేయనున్నారు. తొమ్మిది యూనియన్లకు, పబ్లిక్, ప్రైవేట్ సెక్టార్ బ్యాంక్ ఉద్యోగ సంఘాలకు ప్రాతినిధ్యం వహిస్తున్న అఖిల భారత బ్యాంక్ ఉద్యోగుల సంఘం(ఏఐబీఈఏ) ఈ విషయం ప్రకటించింది.