ఒక వైపు ప్ర‌యాణానికి సంబంధించి రూ.1200 కంటే త‌క్కువ ధ‌ర‌లో విమాన టిక్కెట్ల‌ను అందించేందుకు ఎయిర్ ఏసియా ఇండియా సిద్ద‌మైంది. స్వాతంత్ర దినోత్స‌వ సంద‌ర్బంగా విమాన‌యాన సంస్థ ఆఫ‌ర్ల‌ను ప్ర‌క‌టించింది. ఆగ‌స్టు 15, జ‌న్మాష్ట‌మి సెల‌వుల‌ను పురస్క‌రించుకుని ప్ర‌జ‌లు వీకెండ్ ప్ర‌యాణాల‌కు సిద్ద‌ప‌డుతుంటారు. దీన్ని దృష్టిలో ఉంచుకుని విమాన టిక్కెట్ల‌పై రాయితీల‌ను ఇస్తున్నారు. కొన్ని ఎంపిక చేసిన రూట్ల‌లో ప‌రిమిత కాల‌పు ఆఫ‌ర్ కింద ఎయిర్ ఏసియా రూ.1200 కంటే త‌క్కువ ధ‌ర‌లో టిక్కెట్ల‌ను అందించేందుకు సిద్దమైంది.

ఎయిర్ ఏసియా
హైద‌రాబాద్‌-బెంగుళూరు మార్గంలో అన్ని ప‌న్నుల‌తో క‌లుపుకుని టిక్కెట్ ధ‌ర రూ.1199 నుంచి మొద‌ల‌వుతుంది. భువ‌నేశ్వ‌ర్‌-కోల్‌క‌త, రాంచి-కోల్‌క‌త, కోచి-బెంగుళూరు మార్గాల్లో టిక్కెట్ ధ‌ర రూ.1399 నుంచి మొద‌లు అవుతాయ‌ని కంపెనీ వెబ్‌సైట్ పేర్కొంది.

ఇండిగో
చౌక విమాన ధ‌ర‌ల సంస్థ ఇండిగో సైతం ఆఫ‌ర్ల‌ను ప్ర‌క‌టించింది. చెన్నై-బెంగుళూరు రూ.1120, విశాఖ‌ప‌ట్నం-హైద‌రాబాద్ రూ.1264 అని ఇండిగో వెబ్‌సైట్ పేర్కొంది.
ఢిల్లీ-జైపూర్ మార్గంలో టిక్కెట్ల ధ‌ర‌లు రూ. 1,126, జ‌మ్ము-శ్రీ‌న‌గ‌ర్ మార్గంలో టిక్కెట్ల ధ‌ర‌లు రూ.1549 నుంచి ప్రారంభం అవుతున్నాయి. ఢిల్లీ-జైపూర్ మార్గంలో ఆగ‌స్టు 15 ప్ర‌యాణానికి టిక్కెట్ల ధ‌ర‌లు రూ.1924 నుంచి మొద‌ల‌వుతోంది.