స‌రికొత్త రికార్డు స్థాయికి విదేశీ మార‌క నిల్వ‌లు

News

oi-Chandrasekhar

జులై 28తో ముగిసిన వారానికి భార‌త‌ విదేశీ మార‌క నిల్వ‌లు 1.536 బిలియ‌న్ డాల‌ర్ల మేర పెరిగి రికార్డు గ‌రిష్టం 392.867 బిలియ‌న్ డాల‌ర్ల‌కు చేరాయ‌ని రిజ‌ర్వ్ బ్యాంక్ వెల్ల‌డించింది. అంత‌కుముందు వారంలో ఈ ప

By Chandrasekhar

| Published: Saturday, August 5, 2017, 10:42 [IST]

జులై 28తో ముగిసిన వారానికి భార‌త‌ విదేశీ మార‌క నిల్వ‌లు 1.536 బిలియ‌న్ డాల‌ర్ల మేర పెరిగి రికార్డు గ‌రిష్టం 392.867 బిలియ‌న్ డాల‌ర్ల‌కు చేరాయ‌ని రిజ‌ర్వ్ బ్యాంక్ వెల్ల‌డించింది. అంత‌కుముందు వారంలో ఈ పెరుగుద‌ల 2.27 బిలియ‌న్ డాల‌ర్లుగా ఉండి 391.33 బిలియ‌న్ డాల‌ర్లుగా ఉంది. విదేశీ క‌రెన్సీ ఆస్తుల పెరుగుద‌ల మూలంగానే మొత్తం విదేశీ మార‌క నిల్వ‌లు(ఫారెక్స్‌) బాగా పెరిగాయి.

మొత్తం విదేశీ మార‌క నిల్వ‌ల్లో అత్య‌ధికంగా ఉండే విదేశీ క‌రెన్సీ ఆస్తులు 1.609 బిలియ‌న్ డాల‌ర్లు పెరిగి 368.759 బిలియ‌న్ డాల‌ర్ల స్థాయికి చేరుకున్న‌ట్లు రిజ‌ర్వ్ బ్యాంక్ స‌మాచారం వెల్ల‌డించింది. విదేశీ క‌రెన్సీ ఆస్తుల‌ను డాల‌రు మార‌కంలోనే లెక్క‌గ‌డుతుంటారు. ఇందులో అమెరికాయేత‌ర క‌రెన్సీలైన యూరో, పౌండ్‌,యెన్‌లు వంటివి ఉంటాయి. బంగారు నిల్వ‌ల్లో ఎటువంటి మార్పు లేకుండా 20.35 బిలియ‌న్ డాలర్ల వ‌ద్దే ఉన్నాయి.