ఆంధ్రా బ్యాంకు క్యూ1 ఫ‌లితాలు: 14% లాభం పెరిగింది, రూ.40 కోట్ల నిక‌ర లాభం

News

oi-Chandrasekhar

ప్రభుత్వ రంగంలోని ఆంధ్రా బ్యాంకు ప్రస్తుత ఆర్ధిక సంవత్సరం జూన్‌తో ముగిసిన తొలి త్రైమాసికం (క్యూ1)లో వ‌సూలు కాని రుణాలు(మొండి బకాయిలు) పెరిగినా మెరుగైన ఫలితాలు ప్రకటించింది. గ‌త సంవ‌త్స‌రం క్యూ1లో 30

By Chandrasekhar

| Published: Saturday, August 5, 2017, 10:28 [IST]

* త్రైమాసిక ఫ‌లితాల్లో మురిపించిన ఆంధ్రా బ్యాంకు

ప్రభుత్వ రంగంలోని ఆంధ్రా బ్యాంకు ప్రస్తుత ఆర్ధిక సంవత్సరం జూన్‌తో ముగిసిన తొలి త్రైమాసికం (క్యూ1)లో వ‌సూలు కాని రుణాలు(మొండి బకాయిలు) పెరిగినా మెరుగైన ఫలితాలు ప్రకటించింది. గ‌త సంవ‌త్స‌రం క్యూ1 కంటే 30.07 శాతం వృద్ధితో రూ.40.42 కోట్ల నికర లాభాలు సాధించింది. గతేడాది ఇదే త్రైమాసికంలో రూ.31.09 కోట్ల లాభాలు నమోదు చేసుకుంది. ఈసారి త్రైమాసికంలో బ్యాంకు మొత్తం ఆదాయం రూ.5,155.21 కోట్లకు చేరింది. 2016 జూన్‌తో ముగిసిన త్రైమాసికంలో రూ.4,855.50 కోట్ల ఆదాయం ఆర్జించింది. నిర్వాహణ లాభాలు 37 శాతం వృద్ధితో రూ.1,000 కోట్లుగా నమోదు. 2017 జూన్‌ ముగింపు నాటికి ఆంధ్రా బ్యాంకు మొత్తం శాఖలు 2908, ఎటిఎం కేంద్రాలు 3929కి విస్తరించింది.

క్రితం జూన్‌ ముగింపు నాటికి బ్యాంకు స్థూల మొండి బకాయిలు ఏకంగా 13.22 శాతానికి ఎగిసి రూ.19,428 కోట్లకు చేరాయి. గతేడాది ఇదే త్రైమాసికం నాటికి జిఎన్‌పిఎ 10.30 శాతంతో రూ.14,137 కోట్లుగా నమోదయ్యాయి. క్రితం క్యూలో బ్యాంకు నికర నిరర్ధక ఆస్తులు 8.09 శాతానికి పెరిగాయి. గతేడాది ఇదే కాలంలో రూ.6.21 శాతంగా నమోదయ్యాయి. క్రితం క్యూ1లో మొండి బకాయిలుల కోసం ఏకంగా రూ.1,301.11 కోట్ల కేటాయింపులు చేసింది. గతేడాది ఇదే త్రైమాసికంలో రూ.943.77 కోట్ల కేటాయింపులు జరిగాయి. శుక్రవారం ఎన్‌ఎస్ఈలో ఆంధ్రా బ్యాంకు షేర్‌ 1.55 శాతం పెరిగి రూ.55.80 వద్ద ముగిసింది.