న‌ష్ట భ‌యాలు స్టాక్ మార్కెట్లను రెండో రోజూ వెన్నాడాయి. ఆర్‌బీఐ తీసుకున్న ద్ర‌వ్య ప‌ర‌ప‌తి స‌మీక్ష నిర్ణ‌యం ఇన్వెస్ట‌ర్ల సెంటిమెంటును దెబ్బ‌తీసింది. ఈ పాల‌సీ ప్ర‌భావం ప‌డే రంగాలైన బ్యాంకింగ్‌, స్థిరాస్తి, లోహ రంగాల వెనుక‌డుగుతో ఈ రోజు స్టాక్ మార్కెట్లు న‌ష్ట‌పోయాయి. దీంతో బీఎస్ఈ సెన్సెక్స్ 238.86 పాయింట్లు కోల్పోయి 32,237.78 వ‌ద్ద ముగిసింది. మ‌రో వైపు నిఫ్టీ 67.85 పాయింట్లు త‌గ్గి 10,013.65 వ‌ద్ద స్థిర‌ప‌డింది.

బీఎస్ఈలో రంగాల వారీగా చూస్తే భార‌తీ ఎయిర్టెల్(2.01%), రిల‌య‌న్స్‌(1.38%), బ‌జాజ్ ఆటో(1.17%), హీరో మోటోకార్ప్(1.02%), టీసీఎస్(0.9%) లాభ‌ప‌డ‌గా; మ‌రో వైపు న‌ష్ట‌పోయిన వాటిలో లుపిన్‌(3.8%), కోల్ ఇండియా(3.36%), స్టేట్ బ్యాంక్ ఆఫ్ ఇండియా(2.24%), డాక్ట‌ర్ రెడ్డీస్(2.02%), యాక్సిస్ బ్యాంక్(2.01%) ముందున్నాయి.