అంద‌రూ ఊహించిన విధంగానే ఆర్‌బీఐ శుభ‌వార్త చెప్పింది. 25 బేసిస్ పాయింట్ల మేర రెపో రేటును త‌గ్గించిన రిజ‌ర్వ్ బ్యాంక్ 6.00 శాతంగా నిర్ణ‌యించింది. రెపో రేటు అంటే ఆర్‌బీఐ బ్యాంకుల‌కు డ‌బ్బు ఇచ్చే రేటు. ఈ రెపో రేటును త‌గ్గిస్తే ఆ మేర‌కు మార్కెట్లో బ్యాంకులిచ్చే వ‌డ్డీ రేట్లు త‌గ్గుతాయి.

జూన్‌లో రిటైల్ ద్ర‌వ్యోల్బ‌ణం 1.54% క‌నిష్ట స్థాయికి త‌గ్గ‌డంతో ఆర్బీఐ వ‌డ్డీ రేట్లు త‌గ్గిస్తుంద‌ని చాలా మంది అంచ‌నా వేశారు. రెండు రోజుల పాటు ఆర్బీఐ, ద్ర‌వ్య నిర్ణాయ‌క క‌మిటీ ఆధ్వ‌ర్యంలో జ‌రిగిన స‌మావేశంలో చాలా వ‌ర‌కూ 0.50% వ‌డ్డీ రేట్లు త‌గ్గించాల‌ని చ‌ర్చ జ‌రిగింది. ఒక ప‌క్క మార్చి త్రైమాసికంలో జీడీపీ వృద్దిరేటు 6.1 శాతానికి త‌గ్గిన త‌రుణంలో వ‌డ్డీ రేట్ల‌ను త‌గ్గించ‌డం ఆర్థిక వ్య‌వ‌స్థ‌కు మంచిద‌ని నిపుణులు అభిప్రాయ‌ప‌డుతున్నారు.