ఒక వ్య‌క్తి ఒక‌టి కంటే ఎక్కువ‌గా పాన్ క‌లిగి ఉన్న సంద‌ర్భాల్లో రెండో పాన్ కార్డును ర‌ద్దు చేస్తారు. ఈ విధంగా గుర్తించిన వాటిలో 11.44 లక్ష‌ల పాన్‌కార్డుల‌ను తొల‌గించ‌డం లేదా ప‌నిచేకుండా చేసిన‌ట్లు ఈ రోజు పార్ల‌మెంటులో ప్ర‌భుత్వం తెలియ‌జేసింది. రాజ్య‌స‌భ‌లో ఒక ప్ర‌శ్న‌కు స‌మాధానంగా ఆర్థిక శాఖ స‌హాయ మంత్రి సంతోష్ కుమార్ గంగ్వార్ ఈ విధ‌మైన స‌మాధాన‌మిచ్చారు. ఏదైనా పన్ను చెల్లింపుకు సంబంధించి పాన్ కార్డు చాలా ముఖ్య‌మైన గుర్తింపు. దీని ద్వారా ఒక వ్య‌క్తి ఆర్థిక లావాదేవీల‌ను తెలుసుకోవ‌చ్చు. పాన్ ఇచ్చేట‌ప్పుడు ఒక వ్య‌క్తికి ఒక‌టి అనే ముఖ్య‌మైన సూత్రం వ‌ర్తిస్తుంద‌ని గంగ్వార్ చెప్పారు.

ఒక వ్యక్తికి ఒకే పాన్ కార్డు కలిగి ఉండాలనే నిబంధన ఉన్నప్పటికీ వాటి ఉల్లంఘనలు జరిగాయి. ఈ నేపథ్యంలో నకిలీ పాన్ కార్డు కలిగి ఉండటం రెండో పాన్ కార్డు పొందటం వంటి అంశాలను పరిగణనలోకి తీసుకొని జూలై 27 నాటికి 11 లక్షల 44 వేల 211 పాన్ కార్డులను రద్దు చేయడం లేదా డీయాక్టివేట్ చేయడం జరిగింది అని రాజ్యసభలో ఓ సభ్యుడు అడిగిన ప్రశ్నకు లిఖిత పూర్వక సమాధానం ఇచ్చారు. పెద్ద నోట్ల రద్దుపై సభలో విస్తృత చర్చ జరిగింది. దాదాపుగా 900 కోట్ల రూపాయల నగదు వెలవడిందని అన్నారు. రూ.7961 మొత్తం బయటకు వచ్చిందన్నారు.