వివిధ సేవ‌ల‌కు రుసుములు వ‌సూలు చేస్తున్న ఎస్‌బీఐ ఇక‌మీద‌ట పొదుపు ఖాతాల‌ను సైతం వ‌దిలేలా క‌నిపించ‌డం లేదు. వేత‌న ఉద్యోగులు, సామాన్య ప్ర‌జ‌లు దాచుకునే డ‌బ్బుపై వ‌చ్చే పావ‌లా వ‌డ్డీని సైతం త‌గ్గించింది. రూ.1 కోటిలోపు నిల్వ ఉండే పొదుపు ఖాతా వడ్డీ రేట్ల‌ను ఇదివ‌ర‌కూ ఉన్న 4% నుంచి 3.5శాతానికి త‌గ్గించింది. ఇక్క‌డ విశేష‌మేమిటంటే రూ.1 కోటి పైన ఉండే నిల్వ విష‌యంలో మాత్రం వ‌డ్డీ రేటు 4 శాతంగానే కొన‌సాగుతుంది. జులై 31 నుంచి వ‌డ్డీ రేట్లు మార‌తాయ‌ని ఎస్‌బీఐ ఈ రోజు వెల్ల‌డించింది.

ద్ర‌వ్యోల్బ‌ణం త‌గ్గుముఖం ప‌ట్ట‌డం, వాస్త‌వ వ‌డ్డీ రేట్లు ఎక్కువ‌గా ఉన్న నేప‌థ్యంలో పొదుపు ఖాతాల‌కు సంబంధించి వ‌డ్డీ రేట్ల‌ను త‌గ్గించాల్సి వ‌చ్చిందని ఎస్‌బీఐ త‌న ప్ర‌క‌ట‌న‌లో పేర్కొంది.
ఏది ఏమైనా రూ.1 కోటి లోపు పొదుపు ఖాతాల్లోని డ‌బ్బుపై వ‌డ్డీ రేట్లు త‌గ్గించ‌డం హర్ష‌ణీయం కాదు.