ఎల్ఐసీ షేర్లు రికార్డు గ‌రిష్టాల‌కు వెళ్ల‌డం త్రైమాసిక ఫ‌లితాల్లో ఎల్ఐసీకి క‌లిసొచ్చింది. క‌్యూ1లో రూ.6100 కోట్ల నిక‌ర లాభం వ‌చ్చింది. 2017-18 ఆర్థిక సంవ‌త్స‌రం మొద‌టి త్రైమాసికంలో సంస్థ లాభం గ‌తంతో పోలిస్తే ఏకంగా 145% పెరిగింది. గ‌తేడాది ఇదే త్రైమాసికంలో సంస్థ నిక‌ర లాభం రూ.2489 కోట్లుగా ఉంద‌ట‌.
ఈక్విటీ అమ్మ‌కాల కార‌ణంగా మంచి లాభాలు సాధించామ‌ని ఎల్ఐసీ ఛైర్మ‌న్ వికె శర్మ వెల్ల‌డించారు. వ్యాపార ప్రీమియంలో రెండంకెల వృద్దిని అంచ‌నా వేస్తున్నామ‌ని తెలిపారు. 2017లో 5 ఉత్త‌మ ఎల్ఐసీ పాల‌సీలు

క్రితం త్రైమాసికంలో తాము ఈక్విటీ మార్కెట్లో మొత్తంగా రూ.15 వేల కోట్లు పెట్టుబ‌డులు పెట్టామ‌ని ఎల్ఐసీ మేనేజింగ్ డైరెక్ట‌ర్ సునీతా శర్మ వెల్ల‌డించారు. గ‌తేడాది ఇదే త్రైమాసికం పెట్టుబ‌డుల‌తో పోల్చితే ఇది చాలా త‌క్కువ‌ని పేర్కొన్నారు. ఈక్విటీ పెట్టుబ‌డుల కార‌ణంగా ఈ ఆర్థిక సంవ‌త్స‌రంలో రెండంకెల వృద్దిని సాధిస్తామ‌న్నారు.