ఉదయం మామూలుగా మొద‌లైన మార్కెట్లు ఇంట్రా డే గ‌రిష్టాల‌కు వెళ్లాయి. జులై నెల‌కు సంబంధించి ఫ్యూచ‌ర్ కాంట్రాక్టుల ముగింపుతో మ‌దుప‌ర్లు ఆచితూచి వ్య‌వ‌హ‌రించ‌డంతో ఇలా జ‌రిగింది. బీఎస్ఈ సెన్సెక్స్ 0.84 పాయింట్లు లాభ‌ప‌డి 32,383.30 వ‌ద్ద ముగియ‌గా, మ‌రో సూచీ నిఫ్టీ 0.1 పాయింట్లు క్షీణించి 10,020.55 వ‌ద్ద స్థిర‌ప‌డింది.
బీఎస్ఈలో రంగాల వారీగా చూస్తే ఐటీ రంగం(1.79%), టెక్నాల‌జీ(1.68%), హెల్త్ కేర్‌(1.32%),లోహ రంగం(0.87%) పడిపోయాయి. బ్యాంకింగ్ రంగం(0.83%), మూల‌ధ‌న వ‌స్తువులు(0.35%), ఇన్‌ఫ్రా(0.31%), స్థిరాస్తి(0.04%) రాణించాయి.