రెండు ప్ర‌ధాన సూచీలు దూసుకెళ్లాయి

బీఎస్ఈ సెన్సెక్స్ 154 పాయింట్లు లాభ‌ప‌డి 32,382.46 వ‌ద్ద ముగియ‌గా; మ‌రో సూచీ నిఫ్టీ 56 పాయింట్ల లాభంతో 10,020.65 వ‌ద్ద ముగిసింది. నిఫ్టీ ఈ రోజు 0.56% లాభ‌ప‌డింది.

రంగాల వారీగా

బీఎస్ఈలో రంగాల వారీగా చూస్తే లోహ రంగం(1.74%), మూల‌ధ‌న వ‌స్తువులు(0.89%), హెల్త్ కేర్(0.8%), బ్యాంకింగ్‌(0.74%) లాభ‌ప‌డ్డాయి. మ‌రో వైపు టెక్నాల‌జీ(0.37%), ఐటీ రంగం(0.2%) న‌ష్ట‌పోయాయి.

సెన్సెక్స్‌లో లాభ‌ప‌డిన‌వి, న‌ష్టపోయిన‌వి

సెన్సెక్స్‌లో లాభ‌ప‌డిన వాటిలో టాటా స్టీల్‌(2.22%), స‌న్ ఫార్మా(2.08%), ఐసీఐసీఐ బ్యాంక్(2.07%), ఎమ్ అండ్ ఎం(1.94%), సిప్లా(1.82%) లాభ‌ప‌డిన వాటిలో ఉండ‌గా, న‌ష్టపోయిన వాటిలో యాక్సిస్ బ్యాంక్(2.9%), ఏసియ‌న్ పెయింట్స్‌(1.43%), టీసీఎస్‌(0.62%), భార‌తీ ఎయిర్‌టెల్(0.32%), బ‌జాజ్ ఆటో(0.24%) ముందు ఉన్నాయి.

ప్ర‌ధాన మార్పులు

రిల‌య‌న్స్ ఇండ‌స్ట్రీస్ షేర్ 1.16%, ఐటీసీ, ఐసీఐసీఐ రెండు శాతం చొప్పున లాభ‌ప‌డ్డాయి. దీంతో దేశంలో రెండు ప్ర‌ధాన సూచీలు పైకి ఎగ‌ళాయి. హెచ్‌డీఎఫ్‌సీ బ్యాంక్, హిందుస్థాన్ యూనిలీవ‌ర్‌, స‌న్ ఫార్మా, సిప్లా, టాటా స్టీల్‌, మ‌హీంద్రా అండ్ మ‌హీంద్రా దాదాపు 2.22% వ‌ర‌కూ లాభ‌ప‌డ్డాయి. వాల్ స్ట్రీట్ సూచీలు రికార్డు గ‌రిష్టాల‌కు వెళ్ల‌డం, డాల‌రు స్థిరంగా కొన‌సాగుతుండ‌టం మ‌న మార్కెట్ల‌కు క‌లిసొచ్చింది. అంతర్జాతీయ మార్కెట్ల నుంచి సానుకూల సంకేతాలు, యూర‌ప్, అమెరికా మార్కెట్లు లాభాల్లో ముగియ‌డం మ‌న‌కు లాభించింది.