భారత్‌ ఇంటర్‌ఫేస్‌ ఫర్‌ మనీ (భీమ్‌) యాప్‌ డౌన్‌లోడ్స్‌ తాజాగా 1.6 కోట్ల‌ను దాటాయి. క్రియాశీల‌క వినియోగ‌దార్ల‌ సంఖ్య 40 లక్షలుగా ఉంది. నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) ఈ విషయాలను వెల్లడించింది.

భీమ్‌ యాప్‌లో త్వరలోనే కొత్త అప్‌డేటెడ్‌ వెర్షన్‌ను అందుబాటులోకి తీసుకువస్తామని పేర్కొంది. కేంద్ర ప్రభుత్వం గతేడాది డిసెంబర్‌ 30న సరళమైన, సులభతర, త్వరితగతి లావాదేవీల కోసం భీమ్‌ యాప్‌ను ఆవిష్కరించిన విషయం తెలిసిందే. భీమ్‌ను అందుబాటులో తెచ్చిన దగ్గరి నుంచి చూస్తే ప్రతి నెల యాప్‌ ద్వారా జరిగే లావాదేవీల సంఖ్య పెరుగుతూ వస్తోందని ఎన్‌పీసీఐ ఎండీ, సీఈవో ఏపీ హోతా తెలిపారు. భీమ్‌ రెఫెరల్‌ స్కీమ్‌ కొనసాగుతోందని చెప్పారు.