దేశీయ ఇన్సూరెన్స్ సంస్థ రిల‌య‌న్స్ జ‌న‌ర‌ల్ జూన్‌తో ముగిసిన త్రైమాసికానికి 22% లాభంతో రూ.44 కోట్ల లాభాన్ని న‌మోదు చేసింది. మొత్తం ప్రీమియంల ద్వారా సేక‌రించిన మొత్తం 41% పెరిగి రూ. 1278కోట్ల‌కు చేరింద‌ని రిల‌య‌న్స్ జ‌న‌ర‌ల్ ఇన్సూరెన్స్ ఒక ప్ర‌క‌ట‌న‌లో పేర్కొంది. అన్ని ర‌కాల వ్యాపార డివిజ‌న్ల‌లోనూ వ్యాపార వృద్ది బాగా ఉంద‌ని, కింది స్థాయిలో మంచి వృద్ది ఉంద‌ని సీఈవో రాకేష్ జైన్ చెప్పారు. లిస్టింగ్ ప్లాన్ గురించి మాట్లాడుతూ దీని ద్వారా రిటైల్ ఇన్వెస్ట‌ర్ల‌కు సంప‌ద ఎక్కువ చేసుకునేందుకు అవ‌కాశం ఏర్ప‌డుతుంద‌ని, త‌ద్వారా ఎక్కువ వృద్ది దిశ‌గా కంపెనీ దూసుకెళ్ల‌గ‌ల‌ద‌ని, లాభాలు స్వీక‌రించ‌గ‌ల‌మ‌ని అన్నారు.