హోటల్ బిల్లు రూ.2,500-రూ.7.500 మధ్య ఉంటే 18 శాతం పన్ను, రూ.7,500 దాటితే పన్ను 28 శాతం ఉంటుందని ప్ర‌భుత్వం తెలిపింది. 5 స్టార్ హోట‌ల్ కంటే త‌క్కువ స్థాయి హోట‌ళ్ల విష‌యంలో బిల్లు ఆధారంగా పన్ను ఉండ‌గా 5స్టార్ హోట‌ళ్ల విష‌యంలో మాత్రం యూనిట్ ఆధారంగా జీఎస్‌టీ 28% అమ‌ల‌వుతుంద‌ని ప్ర‌భుత్వ వ‌ర్గాలు స్ప‌ష్ట‌తనిచ్చాయి. అలాగే, రాష్ట్రాలు నిర్వహించే లాటరీలపై 12 శాతం, ప్రభుత్వ అనుమతితో ప్రైవేటు వ్యక్తులు నిర్వహించే లాటరీలపై 28 శాతం పన్ను ఉంటుందన్నారు. ఈనెల 30న జీఎస్‌టీ తదుపరి సమావేశం ఉంటుందని, జూలై 1 నుంచి జీఎస్‌టీ దేశవ్యాప్తంగా కొత్త పన్ను విధానం అమల్లోకి వస్తుందని అరుణ్ జైట్లీ చెప్పారు. అయితే బిజినెస్ రిటర్న్ పైలింగ్ నిబంధనలను రెండు నెలల పాటు సడలించినట్టు జైట్లీ తెలిపారు.