విఇ కమర్షియల్ వెహికిల్స్‌లో భాగమైన ఐషర్ ట్రక్స్ అండ్ బసెస్ సంస్థ.. తమ ట్రక్కులు, బస్సుల ధరలను 5 శాతం వరకు తగ్గించింది. వస్తు, సేవల పన్ను (జిఎస్‌టి) ద్వారా చేకూరిన ప్రయోజనాలను వినియోగదారులకు అందించాలనే లక్ష్యంలో భాగంగానే ఐషర్ ట్రక్స్ తమ ఉత్పత్తుల ధరలను తగ్గించింది. కాగా, ట్రక్కులు, బస్సుల ధరలపై 1.5 శాతం నుంచి 5 శాతం మేర తగ్గింపును ఐషర్ ప్రకటించింది. ఈ నెల 1 నుంచి దేశవ్యాప్తంగా జిఎస్‌టీ అమల్లోకి వచ్చిన విషయం తెలిసిందే. జిఎస్‌టీలో నిర్ణీత సామర్థ్యం కలిగిన ఇంజిన్లున్న వాహనాలపై కేంద్రం పన్నును తగ్గించింది. టాటా మోటార్స్ స‌హా వివిధ వాణిజ్య వాహ‌న త‌యారీ సంస్థ‌లు సైతం వాహ‌న ధ‌ర‌ల‌ను ఇదివ‌ర‌కే స‌వ‌రించిన సంగ‌తి తెలిసిందే.