దేశంలో ప్ర‌ముఖ స్టాక్ ఎక్స్చేంజీల్లో ఒకటైన నేషనల్ స్టాక్ ఎక్స్‌చేంజ్ (ఎన్‌ఎస్ఈ).. తమ కొత్త మేనేజింగ్ డైరెక్టర్ (ఎండి)గా, చీఫ్ ఎగ్జిక్యూటివ్ ఆఫీసర్ (సీఈవో)గా సీనియర్ బ్యాంకర్ విక్రమ్ లిమయే సోమవారం నుంచి బాధ్యతలు చేపడుతున్నట్లు శుక్రవారం ప్రకటించింది. బీసీసీఐ వ్య‌వ‌హారాల‌ను చ‌క్క‌దిద్దేందుకు సుప్రీంకోర్టు ఏర్పాటు చేసిన క‌మిటీలో ఆయ‌న కూడా ఒక స‌భ్యుడు కావ‌డంతో ఇన్నిరోజులు కుద‌ర‌లేదు. ఇప్పుడు జులై 13న బాధ్యతల నిర్వహణ ముగిసిపోవడంతో ఈ నెల 17 నుంచి ఆయన ఎన్‌ఎస్‌ఇ ఎండి, సిఇఒగా పని చేయనున్నట్లు ఒక‌ ప్రకటనలో స్టాక్ ఎక్స్చేంజీ తెలియజేసింది. గ‌తంలో లిమాయే ఐడీఎఫ్‌సీకి ఇదే ర‌క‌మై న ప‌ద‌వి నిర్వ‌హించి ఉన్నారు. కొద్ది రోజుల్లో ఎన్ఎస్ఈ రూ.10 వేల కోట్ల ఐపీవోకు రానుండ‌టంతో ఆయ‌న ప‌నితీరుపై స‌ర్వ‌త్రా ఆస‌క్తి నెల‌కొంది. పెన్సిల్వేనియా విశ్వవిద్యాలయం నుంచి పట్ట్భద్రులైన లిమయే.. 1987లో తన కెరీర్‌ను మొదలుపెట్టారు.