క‌నీసం 12 శాతం మొద‌లుకొని

సోష‌ల్ మీడియాలో ఎంతో మంది జీఎస్టీకి సంబంధించి స్ప‌ష్ట‌త కావాల్సిందిగా అడగ్గా ప్ర‌భుత్వం ఒక యాప్‌తో ముందుకొచ్చింది. దాని పేరు జీఎస్టీ రేట్ ఫైండ‌ర్‌. ఏదైనా ఒక వ‌స్తువు, సేవ పైన ఎంత శాతం జీఎస్టీ అమ‌ల‌వుతోంద‌నే దీని ద్వారా తెలుస్తోంది. జులై 1 నుంచి ప్రారంభ‌మైన జీఎస్టీ కేంద్ర‌, రాష్ట్ర ప‌రోక్ష ప‌న్నులైన వ్యాట్‌, సేవా ప‌న్ను, సెస్సుల బ‌దులు విధిస్తారు. రెస్టారెంట్లో క‌నీసం 12 శాతం నుంచి మొద‌లుకొని 18% వ‌ర‌కూ జీఎస్టీ ఉంటుంది.

ప్ర‌జ‌ల‌కు స్ప‌ష్ట‌త‌

ప్ర‌భుత్వం ఒక్క‌సారి ఏక‌మొత్తంగా విధించే 12శాతం, 18 శాతం ప‌న్ను రేట్ల‌లోనే సెంట్ర‌ల్ జీఎస్టీ, స్టేట్ జీఎస్టీ క‌ల‌గ‌లిసి ఉంటాయి. ఉదాహ‌ర‌ణ‌కు జీఎస్టీ 12% ఉంటే అందులో సీజీఎస్టీ(కేంద్రానిది) -6%, స్టేట్ జీఎస్టీ(రాష్ట్రానిది)-6%గా ఉంటుంది. అదే జీఎస్టీ మొత్తంగా 18 శాతం ఉన్న‌ట్ల‌యితే స్టేట్ జీఎస్టీ 6%; సెంట్ర‌ల్ జీఎస్టీ 6% విభ‌జిస్తారు.

పన్ను శాఖ వివ‌ర‌ణ‌

ఏ రెస్టారెంట్ కూడా 28% ప‌న్ను తీసుకోవ‌డానికి వీల్లేద‌ని ప్ర‌భుత్వం చెప్పింది. ఇన్‌పుట్ ట్యాక్స్ క్రెడిట్ స‌దుపాయం మూలంగా వాస్త‌వ జీఎస్టీ త‌క్కువ‌గా ఉంటుంద‌ని ప‌న్ను శాఖ తెలిపింది. ఇంత‌కుముందు లేని ఇన్‌పుట్ క్రెడిట్ సౌక‌ర్యం జీఎస్టీ మూలంగా వ‌చ్చిందని అశోక్ మ‌హేశ్వ‌రి అండ్ అసోసియేట్స్‌కు చెందిన ప్ర‌త్య‌క్ష ప‌న్నుల నిపుణుడు సందీప్ సెఘాల్ చెప్పారు.

ట‌ర్నోవ‌ర్ ఆధారంగా

ట‌ర్నోవ‌ర్ రూ.75 ల‌క్ష‌ల వ‌ర‌కూ ఉన్న రెస్టారెంట్ల విష‌యంలో జీఎస్టీ ప‌న్ను రేటు 5% ఉంటుంది. అసోం, అరుణాచ‌ల్ ప్ర‌దేశ్‌, మ‌ణిపూర్‌, మేఘాల‌య‌, మిజోరాం, నాగాలండ్, త్రిపుర‌, సిక్కిం, హిమాచ‌ల్ ప్ర‌దేశ్ రాష్ట్రాల విష‌యంలో ఇది రూ.50 ల‌క్ష‌లు అని గుర్తించాలి.

నాన్ ఏసీ రెస్టారెంట్లు, మ‌ద్యం స‌ర‌ఫ‌రా చేయ‌క‌పోతే

నాన్ ఏసీ రెస్టారెంట్ల విష‌యంలో ఇంత‌కు ముందు కూడా సేవా ప‌న్ను త‌క్కువే. దాన్ని దృష్టిలో ఉంచుకుని ఇక‌పై సైతం నాన్ ఏసీ రెస్టారెంట్ అయి ఉండి, మ‌ద్యం అందుబాటులో ఉంచ‌ని వాటి విష‌యంలో 12% జీఎస్టీ నిర్ణ‌యించారు.

ఏసీ రెస్టారెంట్‌, మ‌ద్యం ఉంటే

పాక్షికంగా గానీ, మొత్తంగా గానీ ఏసీ ఉండి, మ‌ద్యం స‌ర‌ఫ‌రా చేసే రెస్టారెంట్ అయితే జీఎస్టీ 18 శాతంగా అమ‌ల‌వుతుంద‌ని గుర్తుంచుకోవాలి.

ముందే ప్యాక్ చేసిన ఆహారం

రెస్టారెంట్ల‌లో అమ్మే ముందే వండిన, ప్రీ-ప్యాకెడ్ న‌మ్‌కీన్ (చిన్న‌పాటి) స్నాక్స్ విష‌యంలో 12% జీఎస్టీ విధిస్తారు. ఆర్డ‌ర్ల‌పై కుక్ చేసి పార్సిల్ చేసే ఆమౄరం విష‌యంలో సైతం రెస్టారెంట్లో ఏ విధ‌మైన ప‌న్ను ఉంటుందో అదే అమ‌ల‌వుతుంది.