మంగ‌ళ‌వారం వ‌రుస‌గా రెండోరోజూ మార్కెట్లు కొత్త రికార్డు స్థాయిల వ‌ద్ద ముగిశాయి. అంత‌ర్జాతీయ మార్కెట్ల సానుకూల‌త‌ల కార‌ణంగా దేశీయ సూచీలు సానుకూలంగా సాగాయి. బీఎస్ఈ సెన్సెక్స్ 31.45 పాయింట్లు లాభ‌ప‌డి 31,747.09 వ‌ద్ద ముగియ‌గా; మ‌రో సూచీ నిఫ్టీ 15 పాయింట్లు లాభ‌ప‌డి 9786 వ‌ద్ద స్థిర‌ప‌డింది.

బీఎస్ఈలో రంగాల వారీగా చూస్తే ఐటీ సూచీ(0.91%), ఆటో(0.8%), టెక్నాల‌జీ(0.35%), క్యాపిట‌ల్ గూడ్స్‌(0.28%) లాభ‌ప‌డ‌గా మ‌రో వైపు స్థిరాస్తి(1.56%), ఇన్‌ఫ్రా(0.72%), క‌న్సూమ‌ర్ డ్యూర‌బుల్స్‌(0.7%), హెల్త్ కేర్‌(0.65%) న‌ష్ట‌పోయాయి.
సెన్సెక్స్‌లో లాభ‌ప‌డిన వాటిలో బ‌జాజ్ ఆటో(2.44%), టాటా మోటార్స్‌(2.28%), ఎన్‌టీపీసీ(1.81%), ఎం అండ్ ఎం(1.77%), ఇన్ఫోసిస్‌(1.75%)ముందుండ‌గా; న‌ష్టపోయిన వాటిలో భార‌తీ ఎయిర్‌టెల్(2.59%), సిప్లా(2.06%), విప్రో(1.92%), కోల్ ఇండియా(1.85%), ఓఎన్‌జీసీ(1.54%) ఉన్నాయి.