త‌న ప్యాసెంజ‌ర్ వాహ‌న ధ‌ర‌ల‌ను 12 శాతం వ‌ర‌కూ త‌గ్గించ‌నున్న‌ట్లు టాటా మోటార్స్ బుధ‌వారం ప్ర‌క‌టించింది. జీఎస్టీ ప్ర‌భావంతో ఈ విధంగా చేస్తున్న‌ట్లు తెలుస్తోంది. కంపెనీ మోడ‌ల్‌, ర‌కం బ‌ట్టి రూ.3300 నుంచి మొద‌లుకొని రూ.2,17,000 వ‌ర‌కూ త‌గ్గిస్తున్నామ‌ని కార్ల త‌యారీ కంపెనీ అధ్య‌క్షుడు(ప్యాసెంజ‌ర్ వాహ‌న విభాగం) మ‌యాంక్ పరీక్ చెప్పారు.

"జీఎస్టీ ప్ర‌భావంతో వ‌స్తున్న ప్ర‌యోజ‌నాల‌ను వినియోగ‌దారుల‌కు బ‌దిలీ చేసే ప్ర‌య‌త్నం చేస్తున్నాం. ఎక్కువ‌గా కొనుగోళ్లు జ‌రిపే ప్యాసెంజ‌ర్ విభాగంపై దృష్టి పెడుతున్నాం. దేశీయ మార్కెట్లో ప్యాసెంజ‌ర్ వాహ‌న విభాగంలో జీఎస్టీ వల్ల క‌లిగిన మిశ్ర‌మ ప్ర‌భావం కార‌ణంగా అమ్మ‌కాల‌పై ప్ర‌భావం ప‌డింది " అని ప‌రీక్ అన్నారు.

జూన్ 2016లో ప్యాసెంజ‌ర్ వాహ‌న అమ్మ‌కాల సంఖ్య 12,482 యూనిట్లుగా ఉండ‌గా; ఈ ఏడాది జూన్‌లో ఆ సంఖ్య 10 శాతం త‌గ్గి 11,176 యూనిట్లుగా న‌మోదు అయింది. అయితే అమ్మ‌కాల్లో నెల‌కొన్న ఈ క్షీణత తాత్కాలిక‌మేన‌ని కంపెనీ ప్ర‌తినిధి ఒక‌రు చెప్పారు. త్రైమాసిక ప‌రంగా చూస్తే ప‌రిస్థితి బాగానే ఉండ‌గ‌ల‌ద‌ని 2016 ఏప్రిల్‌-జూన్ త్రైమాసికంలో ఉన్న దానికంటే 11% మెరుగుద‌ల ఈ ఏడాది అదే త్రైమాసికంలో ఉన్న‌ట్లు చెబుతున్నారు.