తెలంగాణ‌ రాష్ట్రానికి రూ.2600 కోట్ల నగదును ఆర్బీఐ విడుదల చేసింది. కేంద్ర ఆర్థిక మంత్రి అరుణ్‌జైట్లీ ఆదేశాల మేరకు ఆర్బీఐ ఈ మొత్తాన్ని పంపింది. బ్యాంకుల్లో నగదు లేక రైతులు పడుతున్న ఇబ్బందులను కేంద్ర మంత్రి దత్తాత్రేయ, ఆర్థిక మంత్రి దృష్టికి తీసుకెళ్లడంతో, రాష్ట్రానికి సాధారణంగా పంపాల్సిన రూ.1700 కోట్ల నగదు వెంటనే విడుదల చేస్తామని జులై 1న హామీ ఇచ్చారు. అయితే ఇది స‌రిపోద‌ని మరింత నగదు కావాలని దత్తాత్రేయ విజ్ఞప్తి చేయడంతో మరో రూ.900 కోట్లు కలిపి మొత్తం రూ.2600 కోట్లు విడుదల చేశారు. జులై 4న ఆర్‌బీఐ స‌ద‌రు న‌గ‌దును పంపిన‌ట్లు స‌మాచారం. ఈ నగదును వెంటనే రైతులకు పంపిణీ చేయాలని మంత్రి దత్తాత్రేయ బ్యాంకర్లకు విజ్ఞప్తి చేశారు. ముఖ్యంగా మారుమూల, గ్రామీణ ప్రాంతాల‌కు ఇది ఉప‌యోగ‌ప‌డాల‌ని చెప్పారు.