దేశంలో అతిపెద్ద ప్ర‌భుత్వ రంగ బ్యాంకు ఎస్‌బీఐ చైర్మ‌న్ కోసం ముఖాముఖి ప్ర‌క్రియ జ‌రుగుతోంది. అక్టోబ‌ర్ 6న అరుంధ‌తి భ‌ట్టాచార్య ప‌ద‌వీ విర‌మ‌ణ చేయ‌నుండటంతో ఆమె స్థానంలో కొత్త వారిని నియ‌మించ‌డం కోసం ప్ర‌భుత్వం చ‌ర్య‌లు ప్రారంభించింది. గ‌తేడాది కొత్త‌గా నియ‌మంచిన వినోద్ రాయ్ సార‌థ్యంలోని బ్యాంక్ బోర్డు బ్యూరోకు ఈ బాధ్య‌త‌ల‌ను అప్ప‌గించారు. ఏప్రిల్‌1,2016 న ప్రారంభ‌మైన ఈ బ్యూరో ప్ర‌భుత్వ రంగ బ్యాంకుల బాగు కోసం ప‌నిచేస్తోంది. ఎస్‌బీఐ మేనేజింగ్ డైరెక్ట‌ర్లు బి.శ్రీ‌రామ్‌, ర‌జ‌నీశ్ కుమార్‌, ప్ర‌వీణ్ కుమార్ గుప్తా, దినేష్ కుమార్ ఖారా ముఖాముఖి ప్ర‌క్రియ‌కు హాజ‌ర‌వుతారని తెలుస్తోంది.