అక్టోబ‌ర్‌లో విప‌రీతంగా ఉండే రైల్వే ప్ర‌యాణికులను ఆక‌ట్టుకునేందుకు రైల్వే శాఖ ఇప్ప‌టి నుంచి సిద్ద‌మ‌వుతోంది. కేట‌రింగ్‌కు ట్రాలీ స‌ర్వీస్‌, మ‌ర్యాద‌గా వ్య‌హ‌రించే స్టాఫ్‌, వినోదం వంటి అంశాల‌ను రాజ‌ధాని, శ‌తాబ్ది రైళ్ల‌లో ఉండేలా చూసుకుంటోంది. మొత్తం 30 రైళ్లు(15 రాజ‌ధాని, 15 శ‌తాబ్ది) వాడే ప్ర‌యాణికుల‌ను ఆక‌ట్టుకునేందుకు వీలుగా రూ.25 కోట్ల రూపాయ‌ల‌ను ఖ‌ర్చు పెట్ట‌బోతున్నారు. రైల్వే శాఖ చేప‌డుతున్న 3 నెల‌ల కార్య‌క్ర‌మానికి ప్రాజెక్ట్ స్వ‌ర్ణ్ అని పేరుపెట్టారు. ఈ రైళ్ల‌లో ముఖ్యంగా క్యాట‌రింగ్‌, స‌మ‌య‌పాల‌న‌, టాయిలెట్ శుభ్ర‌త వంటి అంశాల‌పై అధికారుల‌కు ఎక్కువ‌గా ఫిర్యాదులు అందుతుండ‌టంతో దాన్ని స‌రిదిద్దే ప్ర‌య‌త్నం జ‌రుగుతోంది.