గ‌త రెండు వారాల్లో ఖ‌తార్ దేశానికి భార‌త పండ్ల‌, కూర‌గాయ‌ల ఎగుమ‌తులు 15% పెరిగాయి. సౌదీ, ఇత‌ర స‌రిహ‌ద్దు దేశాల నుంచి స‌ర‌ఫ‌రాలు త‌గ్గ‌డంతో పాటు, ఖ‌తార్‌లో మ‌న దేశం ఎగుమతుల‌కు డిమాండ్ పెర‌గ‌డమే ఇందుకు కార‌ణం.

సౌదీ అరేబియాతో పాటు,యూఏఈ, ఈజిప్ట్‌, బ‌హ్రెయిన్‌, యెమెన్ దౌత్య విధ‌నాల ద్వారా ఖ‌తార్‌ను ఓంటరి చేయ‌డ‌మే కాకుండా ఖ‌తార్ రాజ‌ధాని దోహాతో భూ,వాయు,స‌ముద్ర మార్గాల ద్వారా ర‌వాణాను నిషేధించాయి. ఖ‌తార్‌ను ఏకాకి చేసే దిశ‌లో మాల్దీవులు, లిబ్యా సైతం చేతులు క‌లిపాయి. దీంతో దిగుమ‌తిదారులు మ‌న దేశం నుంచి ఎక్కువ కొన‌డం మొద‌లుపెట్టారు. ముఖ్యంగా వాయు మార్గం ద్వారా త‌మ‌కు కావాల్సిన వాటిని భార‌త్ నుంచి ర‌ప్పించుకుంటున్నారు. గ‌త రెండు వారాల్లో చాలా కార్గో విమానాలు వ‌స్తువుల‌ను పెద్ద ఎత్తున ఖ‌తార్‌కు ర‌వాణా చేస్తున్నాయి.