జులై 1 నుంచి జీఎస్టీ అమ‌లుకు జ‌మ్మూ కాశ్మీర్ సిద్దం కాక‌పోవ‌డంతో అక్క‌డ వ్యాపార, పరిశ్ర‌మ వర్గాలు ఇబ్బంది ప‌డే అవ‌కాశం ఉంది. "జీఎస్టీని అమ‌లు చేయ‌డం త‌ప్ప రాష్ట్ర ప్ర‌భుత్వానికి మ‌రో మార్గం లేదు. అయితే వ‌చ్చే నెల నుంచి దాన్ని తీసుకురావ‌డం క‌ష్టం" అని ఆ రాష్ట్ర ఆర్థిక మంత్రి అజ‌య్ నందా చెప్పారు. ప్ర‌తిప‌క్షంతో ఏకాభిప్రాయం కుద‌ర‌క‌పోవ‌డంతో జీఎస్టీపై మార్గ‌సూచీని తయారుచేసేందుకు అన్ని పార్టీల‌తో క‌లిసి జీఎస్టీపై ఒక క‌మిటీని ఏర్పాటు చేశారు. ఈద్ పండుగ త‌ర్వాత ఈ క‌మిటీ స‌మావేశంపై జీఎస్టీ ఎప్ప‌టి నుంచి అమ‌లు చేయాలి, ఎలా చేయాల‌నే దానిపై ఒక నిర్ణ‌యం తీసుకుంటుంద‌ని నందా చెప్పారు.