2017 ఏడాది మే నెల‌లో టోకు ద్ర‌వ్యోల్బ‌ణం(డ‌బ్ల్యూపీఐ) 2.17 శాతానికి త‌గ్గింది. అంత‌కు ముందు ఏప్రిల్ నెల‌లో ఇది 3.85% గా ఉంది. గ‌తేడాది మే నెల‌లో సైతం డ‌బ్ల్యూపీఐ చాలా త‌క్కువ‌గా న‌మోద‌యింది. కేవ‌లం ఆహారం విష‌యానికి వ‌స్తే టోకు ద్ర‌వ్యోల్బ‌ణం ఏప్రిల్లో ఉన్న 2.9% నుంచి మే నెల‌లో 0.15 శాతానికి క్షీణించింది. ఈ మ‌ధ్య అప్‌డేట్ చేసిన డ‌బ్లూపీఐ సూచీ ప్ర‌కారం ఆహార ధ‌రోల్బ‌ణ సూచీలో ప్రాథ‌మిక వ‌స్తువులు, త‌యారీ రంగంలోని ఆహారోత్ప‌త్తులు సైతం ఉన్నాయి. ప‌ప్పులు, తృణ ధాన్యాలు ధ‌ర‌ల పెరుగుద‌లలో కాస్త నెమ్మ‌దిగానే కొన‌సాగుతున్నాయి.