సోమ‌వారం ట్రేడింగ్‌లో సూచీలు ఒక మోస్త‌రుగా న‌ష్ట‌పోయాయి. బీఎస్ఈ సెన్సెక్స్ 170 పాయింట్ల వ‌ర‌కూ న‌ష్ట‌పోగా నిఫ్టీ సైతం న‌ష్టాల‌కు గురైంది. ఒక ప‌క్క మార్కెట్ క్లోజింగ్ త‌ర్వాత వ‌చ్చే ఐఐపీ, ద్ర‌వ్యోల్బ‌ణ గ‌ణాంకాల కోసం మ‌రియు ఈ వారం వ‌చ్చే అమెరికా ఫెడ‌ర‌ల్ రిజ‌ర్వ్ పాల‌సీ నిర్ణ‌యం గురించి ట్రేడ‌ర్లు ఆస‌క్తిగా ఎదురుచూస్తున్నారు.

30 షేర్ల బీఎస్ఈ సూచీ సెన్సెక్స్ 166 పాయింట్లు న‌ష్ట‌పోయి 31,096 వ‌ద్ద స్థిర‌ప‌డ‌గా; నిఫ్టీ 52 పాయింట్లు క్షీణించి 9616 వ‌ద్ద ముగిసింది. బీఎస్ఈలో రంగాల వారీగా చూస్తే క్యాపిట‌ల్ గూడ్స్(1.58%), క‌న్సూమ‌ర్ డ్యూర‌బుల్స్‌(1.32%), బ్యాంకింగ్‌(1.02%), ఆటో(0.73%) లాభ‌ప‌డ్డ వాటిలో ఉండ‌గా, మ‌రో వైపు ఐటీ(0.42%), హెల్త్‌కేర్‌(0.26%), టెక్నాల‌జీ(0.18%) న‌ష్టాల‌కు గురైన రంగాల్లో ఉన్నాయి.
టాప్ గెయిన‌ర్ల‌లో ఇన్ఫోసిస్‌(1.6%), స‌న్ ఫార్మా (1.59%), హెచ్‌యూఎల్ (0.42%), సిప్లా ( 0.41%), గెయిల్ (0.24%) ఉండ‌గా, ప్రధానంగా న‌ష్టాల‌కు గురైన వాటిలో ఎల్ అండ్ టి (-2.29) టాటా మోటార్స్ (-2.29%), విప్రో (-1.95%), ఐసిఐసిఐ బ్యాంక్ (-1.88%), బజాజ్ ఆటో (-1.37%) ఉన్నాయి.