భాగ్య‌న‌గ‌రంలో ఐకియా స్టోర్ ప్రారంభం త‌ర్వాత ఐకియా ఇత‌ర న‌గ‌రాల్లో విస్త‌రించేందుకు స‌న్నాహ‌కాలు చేస్తోంది. ప్ర‌స్తుతం
హైదరాబాద్, ముంబై తర్వాత బెంగళూరులో మూడో స్టోర్‌ ఏర్పాటుకు ప్ర‌య‌త్నాలు జ‌రుగుతున్నాయి. తుమ్కూరు రోడ్డులోని నాగసంద్రలో బెంగళూరు మెట్రో నుంచి భూసేకరణ పూర్తి చేసినట్లు ఐకియా సంస్థ ప్ర‌తినిధులు వెల్ల‌డించారు. దీనికి సంబంధించి ప‌లు విష‌యాల‌ను బుధ‌వారం మీడియాకు తెలిపారు. బెంగళూరు ఐకియా స్టోర్‌ ద్వారా సుమారు 700 మందికి ఉపాధి క‌లుగుతుంద‌ని అంచ‌నా వేస్తున్నారు. పరోక్షంగా 1500 మందికి ఉపాధి లభిస్తుందని ఐకియా ప్రతినిధులు అన్నారు. వచ్చే ఏడాది మొదట్లో హైదరాబాద్ స్టోర్ ప్రారంభం కానున్న‌ట్లు చెప్పారు. అసెంబుల్డ్ ఫర్నిచర్‌ సెగ్మెంట్లో ప్రపంచంలో పేరెన్నికగల స్వీడన్ సంస్థ ఐకియా. అంత‌ర్జాతీయంగా ప‌లు దేశాల్లో రిటైల్,హోల్‌సేల్ ఫ‌ర్నిచ‌ర్ విభాగంలో ఐకియా పెట్టింది పేరు. ప‌లు గృహోప‌క‌ర‌ణాలు సైతం ఐకియా స్టోర్ల‌లో లభిస్తాయి.