బెంగుళూరు మ‌హాన‌గ‌రంలోని బెల్లందూర్ లేక్ చుట్టూ ఉన్న 76 ప‌రిశ్ర‌మ‌ల‌ను మూసివేసేలా చూడాల‌ని జాతీయ హ‌రిత ట్రైబ్యున‌ల్ ఆదేశించింది. ఆయా ప‌రిశ్ర‌మ‌ల‌కు త‌క్ష‌ణ‌మే నీరు, విద్యుత్ స‌ర‌ఫ‌రాల‌ను నిలిపి వేయాల్సిందిగా న‌గ‌ర డెప్యూటీ క‌మీష‌న‌ర్‌ను ఆదేశిస్తూ జ‌స్టిస్ స్వతంత్ర కుమార్ నేతృత్వంలోని జాతీయ హ‌రిత ట్రైబ్యున‌ల్ త‌న నిర్ణ‌యాన్ని ప్ర‌క‌టించింది. అంతే కాకుండా లేక్‌కు ద‌గ్గ‌ర‌లో ఉన్న హౌసింగ్ సొసైటీలు, నివాస గృహ స‌ముదాయాల్లో ఉండే వారు అక్క‌డే సీవ‌రేజీ ట్రీట్‌మెంట్ ప్లాంట్లు ఉండేలా చూసుకోవాల‌ని సూచించింది. ఈ విధంగా ఏర్పాటు లేక‌పోతే వాటికి కూడా విద్యుత్‌, నీటి స‌ర‌ఫ‌రాను నిలిపివేయాల్సి వ‌స్తుంద‌ని చెప్పింది.

లేక్‌కు స‌మీపంలో ఉన్న హౌసింగ్ సొసైటీలు, నివాస స‌ముదాయాలు ఏర్పాటు చేసిన సీవ‌రేజీ ప్లాంట్ల‌ను బెంగుళూరు జ‌ల మండ‌లి, సీవ‌రేజీ బోర్డు, రాష్ట్ర కాలుష్య నియంత్ర‌ణ మండ‌లి నుంచి అధికారుల‌తో కూడిన ఉమ్మ‌డి అధికారుల బృందం త‌నిఖీలు నిర్వ‌హించాల‌ని ఎన్‌జీటీ ఆదేశాలిచ్చింది. ప్ర‌భుత్వం సూచించిన పరామితుల‌తో కూడిన సీవరేజీ ప్లాంట్లే ప‌నిచేసేలా చూడాల‌ని లేనియెడ‌ల అక్క‌డ ఉండే ఇళ్ల‌కు నీటి స‌రఫ‌రా, విద్యుత్ స‌ర‌ఫ‌రాల‌ను నిలిపివేయాల్సిందేన‌ని ఎన్‌జీటీ పేర్కొంది. ఇందుకు కొంత స‌మ‌యం ఇవ్వాల‌ని తెలిపింది.