దేశీయ మార్కెట్ అమ్మ‌కాల్లో ఏప్రిల్ నెల‌లో ఆల్టోను మార్కెట్ స్విఫ్ట్ దాటేసింది. అంతే కాకుండా దేశంలో ప్యాసెంజ‌ర్ వాహ‌నాల్లో ఎక్కువ అమ్ముడ‌వుతున్న వాటిల్లో టాప్‌10లో ఏడు మారుతికి సంబంధించిన‌వే కాగా, మిగిలిన మూడు పోటీ కంపెనీ హ్యుందాయ్ మోటార్ ఇండియా లిమిటెడ్‌కు చెందిన‌వి. సొసైటీ ఆఫ్ ఇండియ‌న్ ఆటోమొబైల్ మ్యాన్యుఫ్యాక్చ‌ర‌ర్స్‌(సియామ్‌) డేటా ప్ర‌కారం ఏప్రిల్ నెల‌లో స్విఫ్ట్ 23,802 అమ్మ‌కాలు సాగించ‌గా; గ‌తేడాది ఇదే కాలంలో 15,661 యూనిట్ల‌ను సేల్ చేసింది. ప్ర‌స్తుతం సాధించిన వృద్ది 51.98%. అదే ఆల్టో విష‌యంలో చూస్తే గ‌తేడాది ఏప్రిల్ నెల‌లో 16,583 అమ్మ‌కాలుండ‌గా ప్ర‌స్తుతం ఏప్రిల్ నెల‌లో 35.97% వృద్దితో 22,549 కార్ల‌ను మాత్ర‌మే విక్ర‌యించ‌గ‌లిగింది.