బీమా సైతం ఆర్థిక సేవ‌ల్లో భాగం కాబ‌ట్టి ఈ రంగం సైతం జీఎస్టీ త‌ర్వాత 18% ప‌న్ను ప‌రిధిలోకి వస్తుంది. దీంతో బీమా పాల‌సీల‌కు సంబంధించి చెల్లించే ప్రీమియంలో ప్ర‌త్య‌క్ష ప్రభావం ఉంటుంద‌న్నారు. ప్ర‌స్తుతం ఇన్సూరెన్స్ ప్రీమియంల‌కు సంబంధించి సేవా ప‌న్ను, సెస్సుతో క‌లిపి 15% ప‌న్ను వ‌ర్తిస్తున్న‌ది. ప‌రిశ్ర‌మ నిపుణులు మాట్లాడుతూ జీఎస్టీ త‌ర్వాత పెరిగే ప‌న్నుతో వినియోగదారులు ప్

అద‌న‌పు ప‌న్ను(18%) కార‌ణంగా బీమాదార్లు ఎక్కువ ప్రీమియం చెల్లించాల్సి రావొచ్చ‌ని హెచ్‌డీఎఫ్‌సీ లైఫ్ సీఈవో అమితాబ్ ఛౌద‌రి చెప్పారు. బీమా ప‌రిశ్ర‌మ‌కు చెందిన ప‌లువురు ముఖ్యులు ఇంత‌కు మునుపే జీఎస్టీ కౌన్సిల్‌ను క‌లిసి ఈ రంగానికి 5% ప‌న్నును అమ‌లు చేయాల్సిందిగా కోర‌గా ఈ ప్ర‌తిపాద‌న‌ను ఆర్థిక శాఖ తిర‌స్క‌రించింది. ఆర్థిక సేవ‌ల రంగంలో అన్నింటికీ 18% ఏకీకృత ప‌న్నును అమ‌లు చేయ‌నున్నారు. బీమా రంగంలో అత్య‌ధిక వాటా క‌లిగిన ఎల్ఐసీ త‌క్ష‌ణ‌మే ఈ భారాన్ని క‌స్ట‌మ‌ర్ల‌కు బ‌ద‌లాయించే అవ‌కాశం ఉన్నందున బీమా రంగంలో కాస్త అసంతృప్తి ఉండే అవ‌కాశం లేక‌పోలేదు. క‌నీసం డిజిట‌ల్ మాధ్య‌మాల ద్వారా ప్రీమియంల‌ను చెల్లించిన వారికి ఏదైనా త‌క్కువ ప‌న్ను విధించే అవ‌కాశం ఉంద‌ని భావించినా, రెండు రోజుల జీఎస్‌టీ స‌మావేశం ఈ దిశ‌గా ఎటువంటి ప్ర‌క‌ట‌న చేయ‌లేదు.