ఒక ఆర్థిక సంవ‌త్స‌రంలో కొత్త‌గా తెరిచే బ్యాంకు శాఖ‌ల్లో 25 శాతం వాటిని గ్రామీణ ప్రాంతాలకు కేటాయించాల్సిందిగా ఆర్‌బీఐ ఆదేశించింది. దేశంలో షెడ్యూల్డ్ వాణిజ్య బ్యాంకులు టైర్ 1 నుంచి మొద‌లుకొని టైర్‌-6 ప్రాంతాల్లో కొత్త అవుట్‌లెట్ల ప్రారంభానికి ప్ర‌తిసారి ఆర్‌బీఐ అనుమ‌తి తీసుకోన‌క్క‌ర్లేద‌ని గురువారం ఆర్‌బీఐ నోటిఫికేష‌న్‌లో తెలిపింది. రిజ‌ర్వ్ నోటిఫికేష‌న్‌లో ప‌లు వివ‌రాల‌ను తెలుసుకుందాం.

• ఆర్‌బీఐ బ్యాంకు బోర్డుల‌కు కొత్త బాధ్య‌త‌ల‌ను ఇచ్చిన‌ట్లయింది. నూతన‌ మార్గ‌ద‌ర్శ‌కాల ప్ర‌కారం అన్నింటికీ బ్యాంకు బోర్డులే బాధ్య‌త వ‌హించాల్సిందిగా కోరింది.
• బ్యాంకింగ్ లేని ప్రాంతాల‌తో ఇంత‌కుముందు కొత్త బ్రాంచిల‌కు లింక్ ఉండేది. దాన్ని తొల‌గిస్తూ టైర్‌-1 ప్రాంతాల్లో కొత్త శాఖ‌ల‌ను తెర‌వాలంటే దానికి దేనితో సంబంధం లేకుండా చేసింది.
• అంతే కాకుండా రిజ‌ర్వ్ బ్యాంక్ బ్రాంచీ నిర్వ‌చ‌నాన్ని మార్చేసింది. ఇంత‌కు ముందు అనుబంధ కౌంటర్లు, ఏటీఎమ్‌ల‌ను క‌లిపి బ్రాంచీగా వ్య‌వ‌హరించేవారు. కొత్త నిబంధ‌న‌ల ప్ర‌కారం వీట‌న్నింటినీ బ్యాంకింగ్ అవుట్‌లెట్లుగా పిలుస్తారు.
• బ్యాంకింగ్ అవుట్‌లెట్లు రోజుకు క‌నీసం 4 గంట‌లు, వారంలో 5 రోజులు తెరిచి ఉంచాలి.
• గురువారం ఆర్‌బీఐ విడుద‌ల చేసిన మార్గ‌ద‌ర్శ‌కాలు త‌క్ష‌ణ‌మే అమ‌ల్లోకి వ‌చ్చేలా ప్ర‌క‌టించింది.