స్టెర్లైట్ ప‌వ‌ర్ స్పాన్స‌ర్ చేసిన ఇండియా గ్రిడ్ ట్ర‌స్ట్ (ఇన్‌ఫ్రాస్ట్ర‌క్చ‌ర్ ఇన్వెస్ట్‌మెంట్‌ ట్ర‌స్ట్) ఐపీవోకు గురువారమైన రెండో రోజు 16% స్పంద‌న ల‌భించింది. ఇన్‌ఫ్రాస్ట్ర‌క్చ‌ర్ ఇన్వెస్ట్‌మెంట్ ట్ర‌స్ట్ అంటే మౌలిక ఆస్తుల్లో పెట్టుబ‌డులు పెట్టి క్ర‌మంగా ఆదాయాన్ని అందించేవి. స్టాక్ ఎక్స్చేంజీ నుంచి ల‌భించిన స‌మాచారం ప్ర‌కారం ఇన్‌స్టిట్యూష‌న‌ల్ ఇన్వెస్ట‌ర్ల‌కు రిజ‌ర్వ్ చేసిన వాటా 8% స‌బ్‌స్క్రైబ్ అయింది. నాన్ ఇన్‌స్టిట్యూష‌న‌ల్, హెచ్ఎన్ఐల‌కు స‌బ్‌స్క్రైబ్ అయిన వాటా 26% ఉంది. ఇండియా గ్రిడ్ ట్ర‌స్ట్ మే19న ముగుస్తుంది.