దేశంలో టెలికాం కంపెనీల్లో ఒక దిగ్గ‌జ‌మైన వోడాఫోన్ మార్చి31తో ముగిసిన నాలుగో త్రైమాసిక ఫ‌లితాల‌ను మంగ‌ళ‌వారం ప్ర‌క‌టించింది. మొత్తం ఆర్థిక సంవ‌త్స‌రానికి లాభాల్లో 10.2% త‌గ్గుద‌లతో 11,784 నిర్వ‌హ‌ణ లాభాన్ని ప్ర‌క‌టించింది. రిల‌య‌న్స్ జియో నుంచి విప‌రీత‌మైన పోటీ ఉండ‌ట‌మే ఇందుకు కార‌ణం.

అంత‌కుముందు ఏడాదిలో ఏకీకృత ప్రాతిప‌దిక‌న (ఎబిటా) లాభం రూ.13,115 కోట్లుగా ఉంది.
మొత్తం ఆదాయ ప‌రంగా చూస్తే ఈ బ్రిటీష్ టెలికాం సంస్థ 0.6% త‌గ్గుద‌ల‌తో రూ.43,095 కోట్ల రెవెన్యూను ఆర్జించింది. డేటా వాడ‌కం గ‌తేడాదితో పోల్చి చూస్తే 30% పెరిగిన‌ట్లు కంపెనీ పేర్కొంది. డేటా ఆదాయం 5% పెరుగుద‌ల‌తో రూ. 8467 కోట్లుగా ఉంది.