ప్రైవేటు బ్యాంకింగ్ రంగ దిగ్గ‌జం ఐసీఐసీఐ కూడా గృహకొనుగోలు దారులకు తీపి క‌బురు అందించింది. గృహ రుణాల రేట్లపై 0.3 శాతం తగ్గించాలని నిర్ణయించినట్టు బ్యాంకు సోమవారం వెల్ల‌డించింది. స్టేట్‌బ్యాంక్‌ ఆఫ్‌ ఇండియా వడ్డీ రేట్ల‌ను తగ్గించిన అనంతరం తాజాగా ఐసీఐసీఐ గృహ రుణాల‌పై వడ్డీరేటును తగ్గిస్తున్న‌ట్లు ప్ర‌క‌టించింది. రూ. 30లక్షలలోపు రుణాలపై ఈ తగ్గింపును అమలు చేయనుంది. త‌క్కువ ధ‌ర‌లో ఇళ్ల నిర్మాణం చేసే పథకానికి ఊతమిచ్చే దిశగా ఈ నిర్ణయం తీసుకుంది.