గ‌త కొన్ని నెల‌లుగా ఉరుముతున్న ద్ర‌వ్యోల్బ‌ణం ఏప్రిల్‌లో కాస్త ఊర‌ట నిచ్చింది. ఆహార వస్తువులతో పాటుగా ఉత్పాదక వ‌స్తువుల‌ ధరలు తగ్గుముఖం పట్టడంతో ఏప్రిల్ నెలలో ద్రవ్యోల్బణం తగ్గింది. శుక్రవారం ప్రభుత్వం విడుదల చేసిన గణాంకాల ప్రకారం ఏప్రిల్ నెలలో టోకు ధరల ఆధారిత ద్రవ్యోల్బణం నాలుగు నెలల కనిష్టస్థాయి అయిన 3.85 శాతానికి తగ్గింది. అలాగే వినియోగ ధరల సూచీ ఆధారిత ద్రవ్యోల్బణం సైతం 2.99 శాతానికి పడిపోయింది. సీపీఐ ఆహార ద్ర‌వ్యోల్బ‌ణం 0.61% నమోదు కాగా, ఫుడ్ అండ్ బేవ‌రేజెస్ మొత్తంగా మంచి త‌గ్గుద‌ల‌ను క‌న‌బ‌రిచింది. ఫుడ్ అండ్ బేవ‌రేజెస్‌కు సంబంధించిన వ‌స్తు రేట్ల త‌గ్గుద‌ల 2.54% నుంచి 1.21శాతంగా చేర‌గా, కూర‌గాయ‌ల ధ‌రల మార్పు 1.2$5 నుంచి -8.59% త‌గ్గాయి.

ఇంధ‌న ధ‌ర‌ల పెరుగుద‌ల‌తో ఫ్యూయ‌ల్ అండ్ ఇన్‌ఫ్లేష‌న్ 5.56% నుంచి 6.13 శాతానికి పెరిగింది. వ‌స్త్రాలు, పాద‌ర‌క్ష‌ల‌కు సంబంధించిన ద్ర‌వ్యోల్బ‌ణం 4.6% నుంచి స్వ‌ల్పంగా త‌గ్గి 4.58 శాతంగా న‌మోదైంది. ద్ర‌వ్యోల్బ‌ణం నియంత్ర‌ణ‌లోనే ఉండటంతో జూన్ ద్వైమాసిక సమీక్ష‌లో ఆర్‌బీఐ రేట్ల కోత‌కు మొగ్గుచూపొచ్చ‌ని భావిస్తున్నారు.