సోలార్ ఎన‌ర్జీ ఆధారిత యూనిట్ విద్యుత్ ధ‌ర రూ.2.44

రాజ‌స్థాన్‌లోని భ‌డ్లా పార్క్‌లో 500 మెగా వాట్ల సౌర విద్యుత్ ప్రాజెక్టు వేల స‌మ‌యంలో యూనిట్ ధ‌ర అతి త‌క్కువ‌గా ప‌లికింది. దేశంలోనే అత్యంత క‌నిష్టంగా రూ.2.44 స్థాయికి చేరింది.

ఒక కిలో-వాట్ హ‌వ‌ర్‌ను గెలుచుకునేందుకు ఏసీఎమ్ఈ సోలార్ హోల్డింగ్స్ ప్రైవేట్ లిమిటెడ్‌, ఎస్‌బీజీ క్లీన్‌టెక్ రూ.2.44, 2.45 ధ‌ర‌ల‌కు బిడ్ల‌ను వేశాయి. రాజ‌స్థాన్ రాష్ట్రంలో సోలార్ ఎన‌ర్జీ కార్పొరేష‌న్ ఆఫ్ ఇండియా(ఎస్ఈసీఐ) జ‌రిపిన వేలంలో ఈ రెండు సంస్థ‌లు ప్రాజెక్టును ద‌క్కించుకునేందుకు అతి త‌క్కువ ధ‌ర‌ను కోట్ చేశాయ‌ని ఈ వ్య‌వ‌హారంతో సంబంధించిన వ్య‌క్తి ఒక‌రు తెలిపారు. మ‌ధ్య‌ప్ర‌దేశ్‌లోని రేవా ప్రాజెక్టును సైతం ఏసీఎమ్ఈ సోలార్ ఈ ఏడాది ఫిబ్ర‌వ‌రి నెల‌లో కిలో వాట్ హ‌వ‌ర్‌కు రూ.3.30కు ద‌క్కించుకుంది.