ఆన్‌ డిమాండ్ గృహ సంబందిత సేవ‌లు అందిస్తున్న జింబర్‌ను కొనుగోలు చేసినట్లు ఆన్‌లైన్‌ క్లాసిఫైడ్స్‌ కంపెనీ క్వికర్‌ తెలిపింది. అయితే ఎంత మొత్తానికి ఈ కంపెనీని చేజిక్కించుకుందనేది మాత్రం క్వికర్‌ వెల్లడించలేదు. ఈ వ్య‌వ‌హారంతో సంబంధం ఉన్న వ్య‌క్తులు తెలిపిన దాని ప్ర‌కారం ఇది 10 మిలియ‌న్ డాల‌ర్ల ఒప్పందం అయిన‌ట్లు తెలుస్తోంది. హైపర్‌లోకల్‌ హౌజ్‌హోల్డ్‌ సర్వీసెస్‌ వ్యాపారాన్ని మరింతగా విస్తరించేందుకు ఈ కొనుగోలు దోహదపడుతుందని కంపెనీ వెల్ల‌డించింది.

గ‌త 12 నెల‌ల్లో జింబ‌ర్ కొనుగోలు క్విక్క‌ర్‌కు నాలుగోది. ఇదివ‌ర‌కూ క్విక్క‌ర్ సంస్థ స్టార్ట‌ప్‌లు జ‌లోసా, జ‌ప్ల‌క్‌, స్టేగ్లాడ్‌ల‌ను సొంతం చేసుకుంది. క్విక్క‌ర్ దేశంలో నిరంతరం గృహ‌ సంబంధిత సేవ‌ల్లో విస్త‌రించేందుకు ప్ర‌ణాళిక‌లు ర‌చిస్తోంది. దీని విలువ 1.5 బిలియ‌న్ డాల‌ర్లుగా ఉంది.