వస్తు, సేవల పన్ను బిల్లును ఆమోదించేందుకు గాను బుధవారం మధ్యప్రదేశ్ శాసనసభ ఒకరోజు ప్రత్యేక సమావేశాన్ని నిర్వ‌హించింది. అధికార భాజ‌పా, ప్ర‌తిపక్ష కాంగ్రెస్ రెండూ జీఎస్టీ బిల్లు పాస్ చేసేందుకు అంగీక‌రించాయి. జీఎస్‌టీ బిల్లును తెచ్చిన ఘ‌న‌త త‌మ‌దంటే త‌మ‌దంటూ చెప్పుకునేందుకు రెండు పార్టీలు ప్ర‌య‌త్నించాయి. ఫైనాన్స్ మినిస్ట‌ర్ జ‌యంత్ మ‌లియా బిల్లును స‌భ ముందుకు తీసుకొచ్చారు. ఎటువంటి వ్య‌తిరేక‌త లేకుండా ముఖ్య‌మంత్రి శివ‌రాజ్ సింగ్ చౌహాన్ స‌మ‌క్షంలో మ‌ధ్య‌ప్ర‌దేశ్ శాస‌న‌స‌భ జీస్టీ బిల్లును ఆమోదించింది.