మొద‌టిసారి 9300ను దాటిన నిఫ్టీ
అంతర్జాతీయంగా సెంటిమెంటు బలపడ్డ నేపథ్యంలో దేశీయ‌ మార్కెట్లు కదంతొక్కాయి. ట్రేడర్లు, ఇన్వెస్టర్లు మూకుమ్మడిగా కొనుగోళ్లకు ఆస‌క్తి చూప‌డంతో మార్కెట్లు లాభాల బాట ప‌ట్టాయి. ఉద‌యం లాభాలతో మొదలైన ట్రేడింగ్ సమయానుసారంగా పుంజుకుంటూనే క‌ద‌లాడింది. సూచీలు దూసుకెళ్లాయి. ట్రేడింగ్‌ ముగిసేసరికి నిఫ్టీ, బ్యాంక్‌ నిఫ్టీ సరికొత్త గరిష్టాల వద్ద నిలవగా.. సెన్సెక్స్‌ చరిత్రాత్మక 30,000 పాయింట్ల మైలురాయికి చేరువలో స్థిరపడింది. సెన్సెక్స్‌ 287 పాయింట్లు జంప్‌చేసి 29,943 వద్ద ముగియడం ద్వారా 30,000 పాయింట్ల మైలురాయికి చేరువైంది.సెన్సెక్స్‌కు ఏప్రిల్ 5 త‌ర్వాత ఇదే గ‌రిష్ట స్థాయి ముగింపు. ఇక నిఫ్టీ 89 పాయింట్లు దూసుకెళ్లి 9,306 వద్ద నిలిచింది. వెరసి మార్కెట్‌ చరిత్రలో తొలిసారి జీవ‌న కాల గ‌రిష్ట స్థౄయిని న‌మోదు చేసి 9,300 పాయింట్ల‌ను అధిగమించింది. ఎన్‌ఎస్‌ఈలో బ్యాంక్‌ నిఫ్టీ సైతం 22,000 పాయింట్ల మార్క్‌ను అధిగమించడం ద్వారా సరికొత్త గరిష్టాన్ని తాకింది. ఈ రోజు మార్కెట్లో గెయిన‌ర్ల‌,లూజ‌ర్ల వివ‌రాల కోసం