అమెరికాలో ప‌నిచేసే విదేశీ ఉద్యోగుల‌పై అగ్ర‌రాజ్యం ఆంక్ష‌లు విధించేందుకు సిద్ద‌మ‌వ‌గా, ఇప్పుడు ఆస్ట్రేలియా సైతం త‌మ పౌరుల ఉపాధి అవ‌కాశాల కోసం ర‌క్ష‌ణాత్మ‌క చ‌ర్య‌ల‌ను ఆరంభించింది. విదేశీ కార్మికులు త‌మ దేశంలో వ‌చ్చి ప‌నిచేయ‌డాన్ని నిరోధించేందుకు వీలుగా ఆస్ట్రేలియా 457 వ‌ర్క్ వీసాల‌ను ర‌ద్దు చేసింది. ఆస్ట్రేలియా కంపెనీలు వివిధ దేశాల నుంచి ఉద్యోగుల‌ను తీసుకొచ్చుకునేందుకు వీలుగా ఉప‌యోగ‌ప‌డే అనుమ‌తులనే వ‌ర్క్ వీసాలంటారు. వివిధ రంగాల్లో నిపుణుల‌ను ఈ విధంగా విదేశాల నుంచి ర‌ప్పించుకుంటారు. స్థానికుల‌కు ఉపాధి కొర‌వ‌డుతుంద‌న్న నెపంతో ఆస్ట్రేలియా ప్ర‌భుత్వం ఈ నిర్ణ‌యం తీసుకున్నట్లు తెలుస్తోంది. "వ‌ల‌స‌ల ఆధారంగా ఏర్ప‌డిన దేశం మన‌ది. అయితే నిజం ఏంటంటే ఆస్ట్రేలియా ఉద్యోగాల్లో ఆస్ట్రేలియా పౌరుల‌కు ప్రాధాన్య‌త ఉండాలి. కాబ‌ట్టి 457 వీసాల‌ను ర‌ద్దు చేస్తున్నాం." అని కొత్త వీసా పాల‌సీ సంద‌ర్భంగా ఆస్ట్రేలియా ప్ర‌ధాని మాల్కోమ్ ట‌ర్న్‌బిల్ చెప్పారు. ర‌ద్దు చేసిన‌ ఆస్ట్రేలియన్లకే చెందాల‌ని ఆయ‌న అన్నారు. ఈ 457 వ‌ర్క్ వీసా స్థానంలో కొత్త తాత్కాలిక వర్క్ వీసాల‌ను ప్ర‌వేశ‌పెట్ట‌నున్న‌ట్లు వెల్ల‌డించారు.