అంత‌ర్జాతీయంగా ప‌రిస్థితులు కాస్త చ‌క్క‌బ‌డుతున్ననేపథ్యంలో లాభాలతో ఉత్సాహంగా మొదలైన మార్కెట్లు చివర్లో అమ్మ‌కాలు జ‌ర‌గ‌డంతో న‌ష్టాల‌తోముగిశాయి.ఉద‌యం ట్రేడింగ్ ప్రారంభ‌మైన‌ప్పుడు లాభాల్లోకి ఎగ‌సిన మార్కెట్లు చివ‌ర‌కు నిరాశ‌కు గురిచేశాయి. మార్కెట్లు ముగిసే స‌మ‌యానికి సెన్సెక్స్‌ 94 పాయింట్లు క్షీణించి 29,319 వద్ద నిలిచింది. నిఫ్టీ సైతం 34 పాయింట్ల వెనకడుగుతో 9,105 వద్ద ముగిసింది. తద్వారా సాంకేతికంగా కీలకమైన 9,150 దిగువన స్థిరపడింది. అంతేకాకుండా 9,100 సమీపంలో నిలిచింది. సోమవారం అమెరికా మార్కెట్లు బలపడటంతో తొలుత ఇన్వెస్టర్లు, ట్రేడర్లు అన్ని రంగాలలోనూ కొనుగోళ్లకు ఉత్సాహం చూపారు. దీంతో సెన్సెక్స్‌ ఉదయం సెషన్‌లో 29,701 వద్ద గరిష్టాన్ని తాకింది. చివరి సెషన్‌లో అమ్మకాలు ఊపందుకోవడంతో ఆ స్థాయి నుంచి దాదాపు 400 పాయింట్లు దిగ‌జారింది. నిఫ్టీ సైతం 9,128 వద్ద గరిష్టాన్ని తాకినప్పటికీ ఆ స్థాయి నుంచి 9,095 వరకూ జారింది.