ప్రభుత్వ రంగ ఆయిల్ మార్కెటింగ్ కంపెనీలు సరికొత్త ఆలోచన చేస్తున్నట్లు సమాచారం. పెట్రోలు, డీజిల్ ధరలను ప్రతి రోజూ మార్చేందుకుగల అవకాశాలను పరిశీలిస్తున్నట్లు తెలుస్తోంది. ప్రభుత్వరంగంలోని ఇండియన్ ఆయిల్ కార్పొరేషన్, భారత్ పెట్రోలియం, హిందుస్థాన్ పెట్రోలియం కంపెనీల చేతుల్లోనే 95% పెట్రోలు బంకులు న‌డుస్తున్నాయి.
ఇక‌పై మే 1 నుంచి పెట్రోలు, డీజిల్ ధరలను ఏ రోజుకు ఆ రోజు సమీక్షించేందుకు ప్రణాళిక రూపొందుతోంది. ప్ర‌స్తుతం పైల‌ట్ ప్రాజెక్టు కింద మొద‌ట 5 న‌గ‌రాల్లో రోజూ ధ‌ర‌లు మార్చే ప‌ద్ద‌తిని ప్ర‌వేశ‌పెట్టి త‌ర్వాత దాన్ని దేశ‌మంతా విస్త‌రిస్తారు.

ఈ విధంగా ధరలను ప్రతి రోజూ మార్చడాన్ని డైనమిక్ ఫ్యూయల్ ప్రైసింగ్ అని పిలుస్తున్నారు. దీనివల్ల అంతర్జాతీయ ప్రమాణాలకు ఎదిగేందుకు కలుగుతుంది. ప్రస్తుత విధానంలో ఈ ధరలను ప్రతి 15 రోజులకోసారి సమీక్షిస్తున్నారు. క్రూడాయిల్ ధరకు అనుగుణంగా పెట్రోలు, డీజిల్ ధరలను సర్దుబాటు చేయడానికి 15 రోజులు వేచి చూడవలసి వస్తోంది.